mobile
Gagauziya Başkanı büün bulundu Svetlıy küüyün Kultura evindä, neredä Bakannık komitetin finans yardımınnan yapıldı remont. Bitki yılda yapılmış işlerin paası 1 milion 300 bin ley yaptı.
Proektä görä kapular hem pençerelär diişildi, temel kaavilendi, duarlar yapıştırıldı penoplastlan hem boyandı. Şindi Kultura evindä derslär kuyutulu hem zamandaş içerlerdä geçer, nereyi 170 uşaktan zeedä gezer.
"Svetlıy küüyündä kultura yaşamasının kalkınması verer bizä umut, ani uşaklar akıllı büüyecek. Gagauziyanın soțial infrastrukturasını ötää dooru da geliştirecez, çünkü herbir uşaan lääzım olsun kolayı kendi talantlarını açıklamaa evdä, Gagauziyada", — çizgiledi Gagauziya Başkanı.