mobile
Moskvada geçti tombarlak masa, angısı adalıydı 30-uncu yıldönümünä, nicä Moldova Respublikası Parlamenti kabletti “Gagauziya (Gagauz Eri) ATB ayırı yuridik statusu için” Kanonunu.
«Barabar biz dartıştık gagauz halkının 30 yıllık istoriya yolunu hem o problemaları, angılarınnan büün karşı geler Gagauziyada yaşayannar. Otuz yıldan sora biz göstereriz sayıg Kişinöv hem Komrat öndercilerin aarifliinä hem pragmatizmasına, ki zor vakıtlarda onnar, kaçıp çatışmalardan, seçtilär dialog hem uzlaşma yolunu.
Gagauz avtonomiyanın kurulması başarıydı diil sade bizim halkımıza, ama bütün devletä dä. Gagauz hem moldovan halkları kurtuldular cenktän, Moldova Respublikası kabletti kolayı gelişmää barışta hem stabilliktä», — çizgiledi Gagauziya Başkanı Evgeniya Guțul.