Komratta Büük gagauzça-rusça sözlüün prezentațiyası geçti

Büün Komratta geçti önemni bir olay — altı tomnuk Büük gagauzça-rusça sözlüün prezentațiyası. Bu bir büük bilim-aaraştırma proekti, angısını gagauz yazıcısı hem dramaturgu Todur Zanet başa çıkardı.

56 bin laf, söleyişlär, bilmecelär, folklor yaratmalarından parçalar — bu sözlük gagauz dilinin bir ențiklopediyası oldu. 

"Bu sözlüün paasını bişeylän ölçmää yok nasıl. O açacek eni kolaylıkları gagauz dilini üürenmektä, yardım edecek gagauz dilini taa ilin yapmaa, verecek eni ömür unudulmuş laflara", — söledi Gagauziya Başkanı Evgeniya Guțul.

Gagauziyanın kuvetleri kararladılar "Mihail Çakir" ordennerinnän ödüllemää Todur Zaneti hem onun anasını, İvanna Dmitrievnayı, kim bu sözlüün kurulmasında pay aldı.

Kiyatları tiparlamaa finans yardımını TİKA agentstvosu verdi.