Sentäbrinin 29-da Komratta geçti eni bilim hem üüretmäk kiyatların hem sözlüklerin prezentațiyası, angıları tiparlandı Gagauziya Bilim-Aartaştırma merkezinnän.
Meropriyatiyada pay aldılar gagauz dilindä üüredicilär, bilim adamnarı, okulların hem uşak başçaların öndercileri kultura hem incä zanaat zaametçileri.
Gagauziya Başkanı Evgeniya Guțul, katılımcılara danışarkan, söledi, ani gagauz dilinin korunması Bakannık komitetin komandamısının önemni prioritetlerindän birisidir.
"Seftä 30 yılın içindä gagauz halkın istoriyasında kiyatlar 5-9 klaslara için çıkarıldı hem gagauz dilini üürenmäk elektronik platforması işlemää başladı. Ana dilimizdä lafetmää o büük bir kısmet, biz genişledecez gagauz dilinin kullanmasını herbir yaşamak sferasında", söledi Evgeniya Guțul.