mobile
Saygılı Gagauziya yaşayannarı!
Geçti erli seçimnerin ikinci turu. Gagauziyada, iki küüyün dışında – Kotovskoe hem Rus Kiseliyası – oluştu eni primar korpusu.
İlk kerä Gagauziyada gerçekleştirän kuvet seçim öncesi kampaniyaya katılmadı. Agitaţiya yapmadı hem kandidatların birini dä desteklemädi ne Başkan, ne dä Bakannık Komitetin azaları.
Düşünerim, ani kasabaların hem küülerin yaşayannarı taa ii bilerlär, kim lääzım olsun onnarda baş.
İsteerim nışannamaa, ani biz umutlanȇrız ii çalışmalara hepsi primarlarlan hem nasaatlarlan, almayıp hesaba onnarın politika baalantısını.
En yakın günnerdä bän buluşacam seçili primarlan, ki belli etmää barabar çalışmayı Gagauziya kasabaların hem küülerin gelişmesi için, eni büük proektlerin gerçekleştirilmesi için.