mobile
Gagauziya Başkanı Evgeniya Guțul TRT genel direktorunnan Mehmet Zahid Sobacıylan buluștu.
Gagauziya yaşayannarın adından Bașkan şükür etti çoktankı dostlarımıza büük yardımnar için, angılarınnan Gagauziya Televizionu hem Radiosu kuruldular, çalışêrlar hem git-gidä enilenerlär.
"Geçän yılın sonunda TRT destekledi GRT cümnä kompaniyası tehnikasının bir parçasını diiştirmää, nedän televizion hem radio yayını taa kaliteli oldu. Jurnalistlär maasuz kursalarında pay aldılar. Annaştık sayın Mehmet Zahid Sobacıylan GRT kanalına kontent verilmesi için hem barabar programaların hem dokumental filmlerin yapılması için. Türk arkadaşlarımız kayıl oldu ileri dooru da tehnik tarafından yardım etmää GRT kompaniyasını desteklemää", — çizgiledi Gagauziya Başkanı.