Evgeniya Guțul 85-nci yaşını tamannayan Gagauziya ilk başkanını Georgiy Tabunşçii kutladı 

Avtonomiyanın başı Evgeniya Guțul 85-nci yaşını tamannayan Gagauziya ilk başkanını Georgiyi Tabunşçii kutladı.

Onun kutlamak mesajında sölener:

"Georgiy Dmitrieviç girdi avtonomiyanın istoriyasına nicä talantlı önderci hem politik, angısı Gagauziyanın kalkınmasının temelindä durdu. 
 
İlk başkanın vakıdında Gagauziyada su, gazifikațiya, yol düzülmesi sferalarında büük proektlär yapıldı hem Gagauziyanın statusu Moldova Respublikasının Konstituțiyasına koyuldu. 
 
Georgiy Dmitrieviç — bir patriot hem devlet adamı, angısı kendi çalışmalarınnan kazandı gagauz halkının tarafından saygıyı.  
 
Bütün ürektän kutlêêrım sayın başkanı duuma gününnän, Gagauziyanın yaşayannarın hem bizim komandanın adından adêêrım ona büük saalık hem uzun ömür!"